ओली सरकारले फेरि बढायो पेट्रोलियम पदार्थको मूल्य

२२ चैत,काठमाण्डौ – प्रधानमन्त्री केपी शर्मा ओली नेतृत्वको सरकारले फेरि पेट्रोलियम पदार्थको मूल्य बढाएको छ ।

नेपाल आयल निगमले मंगलबार राति १२ बजेबाट लागू हुनेगरी पेट्रोलियम पदार्थको मूल्य वृद्धि गरेको छ ।

निगमले पेट्रोल, डिजेल र मट्टितेलमा २.२ रुपैयाँ मूल्य वृद्धि गरेको हो । योसँगै पेट्रोल प्रतिलिटर १२० रुपैयाँ पुगेको छ भने डिजेल र मट्टितेल १०३ रुपैयाँ पुगेको छ । ​निगमले हवाई इन्धन र ग्यासको मूल्य भने यथावत् राखिएको जानकारी दिएको छ।