कांग्रेस केन्द्रीय कार्यसमितिको बैठक बस्दै

२० चैत, काठमाडौं – नेपाली कांग्रेसको केन्द्रीय कार्यसमिति बैठक बस्दैछ । दिउँसो २ बजे सानेपास्थित पार्टी केन्द्रीय कार्यालयमा बैठक बोलाइएको हो ।

बैठकमा आगामी महाधिवेशनको विषयमा मुख्य छलफल हुने बताइएको छ । कांग्रेसले आगामी भदौ ७ गते १४औं महाधिवेशनको मिति तोकेको छ ।

बैठकमा केन्द्रीय कार्यसमितिका पदाधिकारी, केन्द्रीय सदस्य तथा आमन्त्रित केन्द्रीय सदस्यलाई बोलाइएको छ ।

बैठकबाट महाधिवेशनको कार्यतालिका हेरफेर हुन सक्ने बताइएको छ । बैठकमा पछिल्लो राजनीतिक घटनाक्रमका विषयमा पनि छलफल हुने बताइएको छ ।