स्वास्थ्य सतर्कता अपनाएर मात्रै होली खेल्न २ नं. प्रदेश सरकारको आग्रह

१४ चैत,जनकपुर – प्रदेश नं. २ का मुख्यमन्त्री लालबाबु राउतले सतर्कता अपनाई मात्र होली पर्व मनाउन आग्रह गरेका छन् ।

हिन्दूहरुको महान् पर्व होलीको अवसरमा मुख्यमन्त्री तथा मन्त्रिपरिषद्को कार्यालयद्वारा आज जारी गरिएको विज्ञप्तिमा मुख्यमन्त्री राउतले सम्पूर्ण हिन्दू धर्मावलम्बीका साथै प्रदेश २ का जनसमुदायको सुस्वास्थ्य, दिर्घायु एवं उत्तरोतर प्रगतिको मङ्गलमय शुभकामना प्रकट गर्दै यस्तो आग्रह गरेका हुन् ।

उनले जनकपुरधामको ऐतिहासिक तथा सांस्कृतिक धरोहर मिथिलामध्ये परिक्रमामा सहभागी हुनुभएका सम्पूर्ण साधुसन्त एवं धर्मानुरागीमा पनि होली पर्वको शुभकामना व्यक्त समेत गरेका हुन् ।