मकवानपुरमा बस र ट्रक ठोक्किँदा ३ जनाको मृत्यु, १० घाइते

२९ फागुन,हेटौंडा – मकवानपुरमा बस र ट्रक ठोक्किँदा ३ जनाको मृत्यु हुनाका साथै १० जना घाइते भएका छन् ।

शनिबार, बिहान ३ बजे हेटौंडाबाट चितवनतर्फ जाँदै गरेको ना ४ ख ५१४९ नम्बरको बस र विपरीत दिशाबाट हेटौंडा आउँदै गरेको ना.६ ख ८९ नम्बरको ट्रक पूर्वपश्चिम राजमार्गअन्तर्गत मकवानपुरको मनहरी ६ सुनाचुरीमा एक आपसमा ठोक्किँदा ३ जनाको मृत्यु हुनाका साथै १० जना घाइते भएका हुन् ।

जिल्ला प्रहरी कार्यालय मकवानपुरका अनुसार मृत्यु हुनेमा बस चालक वीरगञ्ज-१५ का ३५ वर्षीय मदनकुमार थापा, बसमा सवार भारत सिस्वाका अन्दाजी ४० वर्षीय अभयलाल कुशवाह र भारत बिहारका ४० वर्षीय सुनिल कुमार छन् ।

दुर्घटनामा बस र ट्रकका गरी १० जना घाइते भएको र उनीहरुको हेटौंडा अस्पतालमा उपचार भइरहेको छ ।