कांग्रेसले पदाधिकारी बैठक बस्दै

२८ फागुन, काठमाडौं – नेपाली कांग्रेसले आज पदाधिकारी बैठक बोलाएको छ ।

अपरान्ह ३ बजे पार्टी सभापति शेरबहादुर देउवाको निवास बुढानिलकण्ठमा बैठक बोलाइएको कांग्रेस स्रोतले जानकारी दिएको छ ।

अहिलेको परिस्थितीमा कांग्रेस कसरी अगाडि बढ्ने भन्ने विषयमा थप छलफल गर्नुपर्ने भएकाले बैठक बोलाइएको बुझिएको छ । यसैबीच, कांग्रेसले आजै जनता समाजवादी पार्टी जसपासँग पनि छलफल गर्दैछ ।

जसपा नेताहरूसँग सभापति देउवालगायतले अपरान्ह ४ बजे बुढानिलकण्ठमा नै छलफल गर्ने कार्यक्रम पनि तय भएको छ। जसपासँग पनि कसरी अगाडि बढ्ने भन्ने विषयमा छलफल हुन लागेको बताइएको छ ।