प्रचण्ड-नेपाल समूहको स्थायी कमिटी बैठक बस्दै

२४ फागुन, काठमाडौं –  सर्बोच्च अदालतले पार्टीको नाम खारेजी गरिदिएपछी नेपाल कम्युनिष्ट पार्टी (नेकपा) प्रचण्ड-नेपाल समूहको स्थायी कमिटी बैठक आज बस्दैछ ।

विकसित पछिल्लो राजनीतिक घटनाक्रमबारे छलफल गर्न आज दिउँसो ११ बजे स्थायी कमिटिको बैठक डाकिएको पार्टी प्रवक्ता नारायणकाजी श्रेष्ठले जानकारी दिए ।

आजको बैठकपछि भावी रणनीति तय गरिने समेत श्रेष्ठले बताए । सर्वोच्च अदालतले नेपाल कम्युनिष्ट पार्टी (नेकपा) खारेज गरी ऋषि कट्टेलको नेकपालाई आधिकारिक नेकपा दिएपछि उक्त समूहले असन्तुष्टि जनाएको छ ।

सर्वोच्चको उक्त  फैसलालाइ राजनीतिक प्रेरित रहेको भन्दै प्रचण्ड-नेपाल समूहले आरोप समेत लगाएका छन ।