काठमाण्डौ मेयर कप : एपीएफलाई २५९ रनको प्रतिस्पर्धात्मक लक्ष्य

२३ फागुन,काठमाण्डौ – जारी काठमाण्डौ मेयर कप अन्तर्गत त्रिवि मैदानमा भइरहेको खेलमा सशस्त्र प्रहरीको विभागीय टिमले २५९ रनको लक्ष्य पाएको छ ।

टस जितेर ब्याटिङ रोजको पुलिसले पूरा ओभर खेल्दै सात विकेट गुमाएर २५८ रन बनाएको छ । पुलिसका लागि दीपेन्द्रसिंह ऐरीले १४० रनको शतकीय पारी खेले। उनले १३१ बलमा ११ चौका र ६ छक्का प्रहार गरेका थिए। साथै सुनिल धमलाले ३३, पवन सर्राफले ३५ र अनिल शाहले १८ रन जोडे।

बलिङतर्फ एपीएफका कप्तान शरद भेषावकरले तीन विकेट गिराए।