आजको प्रतिनिधिसभा बैठकले शोक प्रस्ताव मात्रै पारित गर्ने

२३ फागुन, काठमाडौं – संसद पर्नस्थापनपछि पहिलो पटक आज बस्न लागेको प्रतिनिधिसभाको बैठकमा शोक प्रस्ताव मात्रै पारित गरिने भएको छ ।

अरु सम्भावित सबै कार्यसूची हटाएर शोक प्रस्ताव मात्र पारित गरिने भएको हो । सभामुखले अन्य कार्यसूची नराख्न निर्देशन दिएका हुन् ।

संसद सचिवालयका प्रवक्ता रोजनाथ पाण्डेका अनुसार आजको बैठक शुरु हुनासाथ राष्ट्रपति कार्यालयबाट प्राप्त पत्र पढेर सुनाइने र यसबीचमा निधन भएका १४ जना पूर्व सांसदको निधनमा शोक प्रस्ताव पारित गरेर बैठक सकिनेछ ।