संसद विघटनविरुद्धको मुद्दामा प्रधानमन्त्री ओलीतर्फका वकिलले बुझाए संयुक्त बहस नोट

७ फागुन, काठमाडौं – प्रतिनिधिसभा विघटनविरुद्धको मुद्दामा सर्वोच्च अदालतमा शुक्रबारबाट बहस सकिएको छ ।

शुक्रबार एमिकस क्युरी गीता पाठकले राय दिएपछि संसद विघटन मुद्दामा बहस सकिएको हो । बहस सकिएपछि संवैधानिक इजलासको नेतृत्व गरिरहेका प्रधानन्यायाधीश चोलेन्द्रशम्शेर जबराले फागुन १० गतेभित्र बहस नोट दिन बुझाउन मिति तोकेका थिए ।

यसैबीच प्रधानमन्त्री केपी शर्मा ओलीको तर्फबाट बहस गरेका कानून व्यवसायीहरुको लिखित वहस नोट भने अदालतलाई बुझाएका छन् ।

प्रधानमन्त्रीको तर्फबाट बहस गर्ने ८५ जना कानून व्यवसायीको ६७ पृष्ठ लामो बहस नोटमा प्रतिनिधिसभा विघटन संवैधानिक हो भन्ने आधारहरूलाई तथ्यसहित पुष्टि गर्न खोजिएको छ।