Advertisement

२०७८ बैशाख २४, शुक्रबार

सङ्कल्पले ढल्छ को?

भरत राज पौडेलप्रकाशित मिति: २०७७ फागुन ३, सोमबार (२ महिना अघि)

४२५ पाठक संख्या

bharat raj paudel jpeg guru

सङ्कल्पले ढल्छ को?

१. के भो जन्म भयो जवान नि बित्यो सारा कुरो सम्झियो

मान्छेबीच अनेक सोचबुझका सम्बन्ध झन् देखियो।

मायाप्रीति रहेछ स्वार्थवशको निस्वार्थ को भेटियो?

भोग्दै यो धरतीविषे सकसका झन् चोट नै भोगियो ।।

२.सङ्लूँ शेष उपाय हो समझको बाटो चुनूँ मन्मन

जाने निश्चित हो अथाह पथमा थालूँ स्वयं बिम्झिन!

कैयेोँ जन्म बिते हुनन् सब कुरा सम्झन्छ को राम्ररी?

जो जो पुण्य हुने सुकर्मपथमा रम्लान् सदा क्यै गरी।।

३. रोऊँ सूर्य र चन्द्रमासँग सिधा मान्छे कहाँ बुझ्छ र?

ढोगूँ यी धरती बरू हृदयले आधार हुन् हैन र??

आफ्नै सोचविचारमा गहकिला सद्भावना फुर्दछन्

सेवा दिन्छु स्वयं भनूँ मनमनै सम्भावना जुट्तछन्!

४. यो कोलाहल कालतुल्य पनि हो एकान्तको बास होस्

आफैभित्र नि विश्वतुल्य घटना घट्छन् सदा ख्याल होस्!

मान्छे धैर्यविना अराजक बनी हिड्ने गरेको छ नि

को भेटिन्छ र बैगुनी युगविषे सद्भाविलो खै गुनी?

५.कस्तो खान्छ विहार के छ दिलमा गर्दै छ के चिन्तन ?

कस्तो सङ्गतमा रहन्छ कसरी हिड्नेछ को सज्जन!

नाना दुख्ख सहेर लक्ष्यपथमा उत्साहिलो बन्छ को?

आफै होश गरूँ भरूँ मगजमा सङ्कल्पले ढल्छ को??

शार्दूलविक्रीडित छन्दमा

सङ्कल्पले ढल्छ को?

प्रतिक्रिया दिनुहोस

www.subhayug.com

True Solutions Media And Company Pvt. Ltd.
द्वारा संचालित

शुभयुगडट कम का लागि

झम्सिखेल ललितपुर, नेपाल

ईमेल: subhayugnews@gmail.com