किसानमाथी ललितपुरको मुना भेट फर्माको लुटधन्दा : सरकारी कार्यालयमाथी नै ठगी

३ फागुन, काठमाण्डौं – ललितपुरको लगनखेलस्थित् कृषी सामाग्री विक्रि गर्ने कम्पनी मुना भेट फर्माले किसानहरुलाई कृषीजन्य सामाग्री विक्री गर्दा खुलेआम लुटधन्दा मच्चाँउदै आएको पाईएको छ ।

किसानका लागी सस्तो र शुलभ दरमा कृषीजन्य अत्याधुनिक यान्त्रिक सामाग्री विक्री र वितरण गर्दै आएको ललितपुरको लगनखेलस्थित मुना भेट फर्माले ग्रामिण भेगका स्थानिय तहले अनुदानमा उपलव्ध गराउने उपकरणहरुमा स्थानिय तहका पदाधिकारी र कृषी शाखाका कर्मचारीसंगको मिलेमतोमा खुलेआम रुपमा गरिव र सर्वहारा किशानमाथी ठगी गर्दै लुटधन्दा मच्चाँउदै आएको खुलाशा भएको हो ।

उक्त कम्पनीले धादिङको एक स्थानिय तहका पदाधिकारी र कर्मचारीसंगको मिलेमतोमा खुलेआम ठगी गर्ने गरेको तथ्य शुभयुग डटकमले फेला पारेको छ । गत आ.व.२०७६/०७७ मा धादिङको गंगाजमुना गाउँपालिकाले किसानका लागी अनुदानमा ६ सेट घाँस काट्ने मेसिन ‘चाफ कटर’ मोटर बितरण गरेको थियो । उक्त मेसिनपनि त्यसै मुना भेट फर्मालेनै गाँउपालिकालाई उपलव्ध गराएको थियो । तर मेसिन उपलब्ध गराँउदा भने उक्त कम्पनीले गाँउपालिकाका कृषी शाखाका कर्मचारीसंगको मिलेमतोमा कम क्षमता र दररेटको मेसिन पठाएर बढि क्षमता र बढि मुल्यको विल पेशगरी कर्मचारीलाई प्रभावमा पारी सरकारी कार्यालयलाई ठगी गरेको छ ।

गाउँपालिकाको अनुदान रकममा खरिद गरिएको चाफ कटरको मोटरमा सामाग्री बिक्रि गर्ने जिम्मा पाएको ललितपुर स्थित् मुना भेट फर्माले उक्त गंगाजमुना गाँउपालिकाको कृषि शाखामा कार्यरत कर्मचारी रविन्द्र थापा सुयल र अर्का कर्मचारी पारश अधिकारीको समेत मिलेमतोमा नक्कली बिल पेशगरी झण्डै ३ लाख रुपैँया भुक्तानीसमेत लिएको छ ।

गत आ.व.०७६/७७ मा गंगाजमुना गाँउपालिकाले स्थानिय कृषकलाई वितरण गरेको उक्त कृषी सामाग्री चाप कटर ३ हर्स पावर (एचपी) क्षमताको छ । तर, उक्त सप्लायर्स कम्पनीले भने तिनै गाँउपालिकाका कर्मचारीसंगको मिलेमतोमा ५ हर्स पावर क्षमता उपलव्ध गराएको भनी विल पेश गरेको र भुक्तानीसमेत लिईसकेको छ । शुभयुग डटकमलाई प्राप्त बिलमा समेत ५ एचपी क्षमता र प्रति मेसिनको मुल्य रु.४९ हजार ८०० उल्लेख गरिएको छ ।

त्यसो त गाँउपालिकाले पनि प्रति मेसिन ४९ हजार ८ सय रुपैयाँको दरले ६ वटा मोटर खरिद गर्दा २ लाख ९८ हजार ८ सय रुपैयाँको भुक्तानी समेत उक्त सप्लायर्स कम्पनीलाई गरीसकेको छ । उता उक्त मुना भेट फर्माले रु.३५ हजार मुल्य पर्ने घाँस काट्ने मेसिनलाई रु.४९ हजार ८०० मा बिक्रिगरी गाँउपालिकाका कर्मचारीसंगको मिलेमतोमा किसानमाथी ठगी गर्दै अकुत सम्पती आर्जन गर्दै आईरहँदा नियमनकारी सरकारी निकायले यसको पत्तोसमेत पाएका छैनन् ।

उता आफुहरुमाथी गाँउपालिकाका कर्मचारी, जनप्रतिनिधी र उक्त सप्लायर्स कम्पनीले आन्तरिक मिलेमतोमा ठगी गरेको थाहा पाएपछि स्थानियहरुसमेत आक्रोसित् भएका थिए । उनिहरुले आफुहरु ठगिएको विषयमा सामुहिक आवाज उठाउनेवारे तयारी गरेपछि गाँउपालिकाले भने चलाखीपुर्ण ढंगले उक्त अनियमिततामा संलग्न कर्मचारी द्धयलाईनै कारवाहि स्वरुप सरुवा गरिदिएको छ । सरकारले किसानका लागी भन्दै कृषी क्षेत्रमा लगानी बढाउन बर्षेनी उल्लेखिय मात्रामा बजेट विनियोजन गरेपनि ललितपुर स्थित् मुना भेट फर्मा जस्ता किसानमाथी शोषण गर्ने कम्पनी र आम किशानमाथी लुटधन्दा मच्चाउने सरकारी कर्मचारीकै कारण किसानको समस्या जिँउको तिउ रहेको पिडित किसानहरुले बताए ।

उनिहरुका अनुसार उक्त घटनामा पनि गंगाजमुना गाँउपालिकाका कर्मचारीको मिलेमतोमा भ्रष्टाचार भएको पाईएको छ । तर भ्रष्टाचारमा संलग्न कर्मचारीलाई निलम्बन गर्नाको सट्टा गाँउपालिका अध्यक्ष र एक वडा अध्यक्षका आफन्त भएकै कारण उनिहरुलाई उन्मुक्ति स्वरुप सरुवा गरिएको हो ।

उता अनियमिततामा संलग्न गाउँपालिकाकै कृषि शाखामा कार्यरत कर्मचारी रविन्द्र थापा सुयलले भने दुईवटा मेसिन मात्रै हेरेर ल्याएको र बक्स भित्र रहेको अन्य मेसिन नहेर्दा २ वटा ५ एचपीको र अरु चारवटा ३ एचपीको मेसिन परेको भन्दै झुठो दावी गरेका छन् । ‘कोटेशनबाटै खरिद गरिएको हो । बिलवाला कम्पनीले नै डेलिभरी दिएको हो,’ उनले भने । विल उपलव्ध गराउने कम्पनीबारे प्रश्नमा सुयँलले भने ‘य.. यस्तो भएको होला । उहाँको साथीको पनि कम्पनी रहेछ । उहाँको पनि साथीको साथीमार्फत कारोबार भएको रहेछ ।’ सुयँलले अस्पष्ट उत्त। दिए ।

त्यस्तै सुयँलले उक्त विषयमा कुरा उठेपछि आफूहरुको सरुवाको चीठी आएको समेत बताए । ‘चीठी चाहीँ आएको हो । हाम्रौ वडाहरुमा आएको हो । वडा नम्बर ६ र ७ मा आएको हो,’ अनियमिततामा संलग्न उनि सोहि गाँउपालिकाका एक वडाध्यक्षका भाञ्जा समेत हुन् । उता अनियमिततामा संलग्न अर्का कर्मचारी पारस अधिकारीले भने त्यस विषयमा प्रतिक्रिया दिन चाहेका छैनन् । उनि गाउँपालिका अध्यक्ष बल बहादुर अधिकारीका नजिकका नातेदार हुन् ।

त्यस्तै उक्त समाग्री उपलव्ध गराउने सप्लायर्स कम्पनी मुना भेट फर्माका प्रमुख राम प्रसाद न्यौपानेले भने हाल आफु कम्पनीमा नभएको र उक्त कारोवार वारे आफुले भन्दा पनि प्रशिद्ध खनाल भन्ने अर्को कम्पनीवालाले गरेको भन्दै पन्छिएका छन् । मुना भेट फर्माको विल प्रयोग भएपछि आधिकारिकता कस्को हुन्छ भन्ने प्रश्नमा न्यौपानेले भने ‘सर म काठमाण्डौंमा छैन, तपाँईले भनेपछि बल्ल उक्त विषयमा बुझ्दैछु, खासमा प्रसिद्ध भन्ने मेरो साथी छ उसले र मैले कोर्टेशन हालेका थियौं, पछि काम पनि उसैले गरेको हो, यसमा म संलग्न छैन, अनि विल पनि मेरो कामगर्ने भाईले बनाएको हो । अव जेहुनु गल्ति भैहाल्यो, यस्तै भयो, म उतै कुरा गर्छु सर, गाँउपालिकाको सरहरको चाँही गल्ति छैन ।’ उनले आफु काठमाण्डौं बाहिर रहेको भन्दै उक्त कारोवारमा अर्का विचौलिया संलग्न रहेको स्पष्ट पारेका छन् । त्यस्तै उनका अनुसार उक्त कारोबारमा तनँहु घर भएका प्रशिद्ध खनालले सेटिङ मिलाई गाँउपालिकामा मेसिन उपलव्ध गराएको र आफ्नो कम्पनीको विल प्रयोग गरेको दावी गरे । न्यौपानेले उक्त कार्यमा गाँउपालिकाका कर्मचारीको कुनै संलग्नतासमेत नरहेको झुठो दावी गर्दै गाँउपालिकाका कर्मचारी सुयँल र अधिकारीको बचाउ समेत गरेका छन् ।

उता गंगाजमुना गाँउपालिकाले भने उक्त विषयमा संलग्न रहेको भन्दै कर्मचारी द्धयलाईनै गाँउपालिकाबाट सरुवा गरिदिएको छ । त्यस्तै सप्लायर्स कम्पनीका प्रमुख न्यौपानेले आरोप लगायका प्रशिद्ध खनालले भने आफुले कामै नगरेको दावी गरेका छन् ।उनले आफु त्यसमा संलग्न नभएको र सप्लाई गर्ने कम्पनीपनि रामप्रसादकै रहेको भन्दै आफु उक्त प्रकृयामा अनविज्ञ रहेको दावी गरे । यद्धपी उक्त प्रकृयामा ५ हर्स पावर क्षमताको ६ वटा मेसिन जानुपर्नेमा जम्मा २ वटा मात्र गएको र बाँकी ३ क्षमताको मेसिन गएकोबारे सुनेको खनालले बताए ।

उता गाँउपालिका अध्यक्ष बल बहादुर अधिकारीले भने उक्त विषयमा गाँउपालिकाले विज्ञप्ती प्रकाशित् गरेको भन्दै उक्त कार्यमा संलग्नमाथी अनुसन्धान जारीरहेको जनाउँदै थप जानकारीका लागी गाँउपालिका कार्यालयमा आउन र सबै कुरा वेभसाइटमा लेखिएको भन्दै पन्छिएका छन् । गाँउपालिकाको वेभसाइटमा भने कृषी सामाग्री खरिद प्रक्रियामा अनियमितताबारे सर्वदलिय बैठकपछि अनियमितता गर्ने कर्मचारीलाई सरुवा गरेर कारबाहीको प्रकृयालाई अगाडी बढाईएको विज्ञप्ति प्रकाशन गरेको छ ।

उता स्थानियहरुले भने गाउँपालिकाले अनियमिततामा संलग्न कर्मचारीलाई सरुवा गरी उन्मुक्ती दिन लागेको र सामाग्री सप्लाई गर्ने कम्पनीलाई पनि सामान फिर्ता गरी उन्मुक्ति दिन खोजेको भन्दै अख्तियार र राजश्व अनुसन्धान कार्यालयमा लिखित उजुरी दिने तयारी गरेका छन् ।