सिन्धुपाल्चोकमा यात्रुबाहक बस दुर्घटना : १५ जना घाइते

२० माघ,सिन्धुपाल्चोक – दोलखाबाट काठमाडौंतर्फ आउँदै गरेको अरनिको यातायातको यात्रुबाहक बस सुनकोशी गाउँपालिकास्थित नौ किलोमा दुर्घटनाग्रस्त भएको छ ।

मंगलबार लामोसाँघु-जिरी सडकखण्डमा बा २ ख २७८९ नम्बरको बस दुर्घटनामा परी १५ जनाभन्दा धेरै यात्रु घाइते भएको प्रहरीले जनाएको छ। बस तीव्र गतिका कारण सडकमै पल्टिएको प्रहरीको भनाई छ । बसका चालक फरार रहेका छन्। घटनाबारे थप विवरण आउन बाँकी छ।