संसद विघटन गर्ने प्रधानमन्त्रीका कदम असंवैधानिक भएको भन्दै विवेकशीलद्धारा दाँत माझेर विरोध

२८ पौष, काठमाडौं । प्रधानमन्त्री केपी शर्मा ओलीको प्रतिनिधि सभा विघटन गर्ने कदम असंवैधानिक भएको भन्दै विवेकशील पार्टीले दाँत माझेर विरोध प्रदर्शन गरेको छ ।

केही दिनअघि राष्ट्रियसभा बैठकमा सम्वोधनका क्रममा प्रधानमन्त्री ओलीले  रोस्ट्रममै थुकेपछि त्यसकोविरुद्धमा मंगलबार विवेकशीलले दाँत माँझेर विरोध जनाएको हो।

प्रधानमन्त्री ओलीले संसद विघटन गरेर लोकतन्त्रमाथि धावा बोलेको भन्दै विवकेशील करिब १ महिनादेखि आन्दोलित छ।

जथाभावी थुक्नु सार्वजनिक स्वास्थ्यका लागि हानिकारकसँगै सार्वजनिक शिष्टताको हिसाबले पनि उचित नभएको भन्दै विवेकशीलले दाँत माझेर प्रदर्शन गरेको हो ।

देशको नेतृत्व गर्ने, अनुकरणीय व्यक्तिले गर्ने कामले धेरैलाई प्रभावित पार्ने भएकाले प्रधानमन्त्रीलाई आफ्ना सार्वजनिक गतिविधिमाथि ध्यान दिन पनि साझाले सुझाएको छ।