सुर्खेतमा बस दुर्घटना : एकको मृत्यु, ३ गम्भीर घाइते

पुष २३ ,सुर्खेत – सुर्खेतमा बस दुर्घटना हुँदा एक जनाको मृत्यु भएको छ । ३ जना गम्भीर घाइते भएका छन् ।बिहीबार दिउँसो भेरी नदीमा ना ५ ख ७७५० नम्बरको मिनी बस दुर्घटनाहुँदा बसका चालक दाङको बबई गाउँपालिका–३ निवासी २२ वर्षीय सुमन नेपालीको मृत्यु भएको प्रहरीले जनाएको छ ।

जिल्ला ट्राफिक प्रहरी कार्यलय सुर्खेतका प्रमुख उपेन्द्र आचार्यका अनुसार बस आज दिउँसो २ः५० बजेतिर सुर्खेतको गुर्भाकोट नगरपालिका ९ मा दुर्घटना भएको हो । बस सडकबाट करिब दुई सय मिटर तल नदीमा खसेको थियो । सल्यान कालीमाटीदेखि बोटेचौरतर्फ जाँदै गरेको सो बसमा जम्मा तीन जनामात्र रहेको बताइएको छ ।दुर्घटनामा कालिमाटी गाउँपालिका – ४ का ईश्वर सुनार घाइते भएका छन् । दुर्घटनास्थलबाट उनको उद्धार गरी उपचारका लागि पठाइएको प्रहरीले जनाएको छ । अर्का एकजनाको अवस्था भने अज्ञात रहेको छ ।