मन्त्रिपरिषद विस्तारविरुद्धको रिटको सुनुवाइ आज

१६ पौष,काठमाडौं – संविधानको मर्मविपरीत मन्त्रिपरिषद् विस्तार गरेको भनदै सर्वोच्चमा परेको रिटमाथी आज सुनुवाइ हुँदैछ ।

प्रतिनिधिसभा विघटन गरि निर्वाचनको मितिसमेत तोकिसकेको अवस्थामा कामचलाउ सरकारले संविधानको मर्मविपरीत मन्त्रिपरिषद् विस्तार गरेकाले त्यसलाई बदर गर्न मन्त्रिपरिषद विस्तारविरुद्ध परेको रिटमाथि आज सुनुवाइ हुन लागेको हो ।

बुधबार सो रिटलाई ‘हेर्न नभ्याइने’ सूचीमा राखिएको थियो । न्यायाधीश ईश्वरप्रसाद खतिवडाको एकल इजलासमा परेको सो पेसी आज बिहीबारका लागि तोकिएको छ ।

संसद् विघटनपछि मन्त्रिपरिषद् विस्तार गर्न नपाइने भन्दै अधिवक्ताहरू दिनेश त्रिपाठी, लोकेन्द्र ओली, केशरजंग केसी र दिनेश लामिछानेले गत १३ पुसमा सर्वोच्च अदालतमा रिट दायर गरेका थिए ।

रिटमा प्रधानमन्त्री तथा मन्त्रिपरिषद् कार्यालय र राष्ट्रपति कार्यालयलाई विपक्षी बनाइएको छ ।