बल्खुमा ट्राफिक चेकजाँच छली भाग्न लागेको भ्यानको ठक्करबाट पैदलयात्रीको मृत्यु ट्राफिक प्रहरी घाइते

११ पुष,काठमाण्डौ – काठमाण्डौको बल्खुमा ट्राफिक चेकजाँचका क्रममा भाग्न खोजेको भ्यानको ठक्करबाट पैदलयात्रुको मृत्यु भएको छ ।

गएराति ट्राफिक जाँचका क्रममा भ्यान भाग्न खोज्दा बल्खु चोकमा दुर्घटना भएको प्रहरीले जनाएको छ । भ्यानको ठक्करबाट पैदलयात्री काठमाण्डौको कीर्तिपुर बस्ने गोरखाका ५४ वर्षका काले आलेमगरको उपचारका क्रममा गएराति ज्यान गएको प्रहरीले जनाएको छ ।

त्यस्तै उक्त भ्यानको ठक्करबाट बल्खुमा कार्यरत प्रहरी जवान २३ वर्षका मानबहादुर साउद घाइते भएका छन् । उनको बयोधा अस्पतालमा उपचार भइरहेको छ ।

बा १६ च २९१५ नम्बरको भ्यानले ट्राफिक जाँचमा रहेका ट्राफिक जवानलाई ठक्कर दिएर भाग्ने क्रममा पैदलयात्रीलाई ठक्कर दिन पुगेको थियो ।

फरार भ्यान चालकको खोजी भइरहेको पनि प्रहरीले जनाएको छ ।