पछिल्लो २४ घण्टामा थप ९३६ जनामा कोरोना संंक्रमण पुष्टि : १४ को मृत्यु

३० मंसिर,काठमाडौं – पछिल्लो २४ घण्टामा देशभरिमा थप ९३६ जना कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा देशभरिमा थप ९३६ जना कोरोना संक्रमण पुष्टि भएको हो । योसंगै अव नेपालमा कुल संक्रमितको संख्या २ लाख ५० हजार १८० पुगेको मन्त्रालयले जानकारी दिएको छ।

त्यस्तै पछिल्लो २४ घण्टामा थप १४ जना कोरोना संक्रमितको मृत्यु भएको छ। योसँगै मृतकको संख्या १ हजार ७ सय ३० पुगेको स्वास्थ्य तथा जनसंख्या मन्त्रालयले अद्यावधिक गरेको तथ्यांकमा उल्लेख छ।

त्यस्तै हालसम्म नेपालमा १८ लाख ४३ हजार ५८१ जनाको पिसिआर परीक्षण भएको छ। हाल क्वारेन्टाइनमा ४५७ रहेको मन्त्रालयले जनाएको छ। नेपालमा हालसम्म कुल संक्रमितमध्ये ९ हजार ८८१ जना सक्रिय संक्रमित छन्।