गोरखामा  आफैँ चढेको बसले किच्दा एक जनाको मृत्यु

२८ मंसिर,गोरखा – गोरखामा  आफैँ चढेको बसले किच्दा एक जनाको मृत्यु भएको छ ।

गोरखाको सिरानचोक गाउँपालिका(२ थालाजुुङ्गमा आफैँ चढेको बसले किचेर ४८ वर्षीय बुद्घिबहादुर रम्तेलको मृत्यु भएको प्रहरीले जनाएको छ । गोरखा सदरमुकामबाट केराबारीतर्फ जाँदै गरेको ना ३ ख ८१४३ नंको बसले किच्दा रम्तेलको मृत्यु भएको जिल्ला ट्राफिक प्रहरी कार्यालय गोरखाका प्रमुख मित्रलाल ढकालले जानकारी दिए । प्रहरी प्रमुख ढकालका अनुसार रम्तेललाई शनिबार साँझ बसबाट ओर्लने क्रममा आफै चढेको बसको पछाडिको चक्काले किचेको हो ।

टुर्घटनामा परी गम्भीर घाइते भएका रम्तेलको उपचारका लागि प्राथामिक स्वास्थ्य केन्द्र भच्चेकमा पुर्याएलगत्तै चिकित्सकले मृत घोषणा गरेको उनको भनाइ छ । मृतकको शव आज परीक्षणपछि परिवारलाई बुझाइने उनले बताए । बस र चालकलाई नियन्त्रणमा लिएर घटनाको अनुसन्धान शुरु गरेको जिल्ला प्रहरी कार्यालय गोरखाले जनाएको छ ।