स्थगित भयो संवैधानिक परिषद्को बैठक

२८ मंसिर,काठमाडौं – प्रधानमन्त्री केपी शर्मा ओलीले आज आइतबारका लागी बोलाएको संवैधानिक परिषद्को बैठक स्थगित भएको छ ।

प्रमुख प्रतिपक्षी दल नेपाली कांग्रेसका सभापति शेरबहादुर देउवा सहभागी नभएपछि बैठक स्थगित भएको बताइएको छ । भोली सोमबार नेपाली काग्रेंसद्धारा देशभर विरोध प्रदर्शनको कार्यक्रम रहेको भन्दै देउवाले त्यसअघि संवैधानिक परिषद्को बैठकमा सहभागी हुन नसक्ने बताएपछि बैठक स्थगित भएको हो ।

बैठकमा ११ संवैधानिक निकायमा रिक्त रहेका ४६ पदाधिकारी नियुक्तिको एजेन्डामाथि छलफल हुने तयारी थियो । संवैधानिक निकायहरूमा पदाधिकारी नियुक्तिका लागि प्रधानमन्त्री अध्यक्ष रहने संवैधानिक परिषद छ ।परिषदमा प्रधानन्यायाधीश, प्रतिनिधिसभाको सभामुख, राष्ट्रियसभाको अध्यक्ष, विपक्षी दलको नेता र प्रतिनिधिसभाका उपसभामुख सदस्य रहन्छन् ।

हाल उपसभामुखको स्थान समेत रिक्त छ ।