पूर्वेली संस्कृतिमा आधारित ‘जाउँ डाँडै काटेर’ गीतको भिडियो सार्वजनिक

२६ मंसिर,काठमाडौं – पूर्वेली नेपालको संस्कार र संस्कृतिमा आधारित रहेर गायक तथा संगीतकार खगेन्द्र यक्सो लिम्बूले ‘जाउँ डाँडै काटेर’ गीतको भिडियो सार्वजनिक गरेका छन् ।

गायक खगेन्द्रको शब्द तथा आवाज रहेको गीतमा संगीत नयन सुब्बा तथा संगीत संयोजन टेकेन्द्र यक्सोले गरेका छन् । गायक खगेन्द्रलाई गायिका श्रेयसी चेम्जोङले स्वरमा साथ दिएकी छन् । कसैसँग मायाप्रेम बसेपछि उमेर हेरिँदैन भन्ने भाव बोकेको गीतको भिडियोमा योगेन्द्र राई र सीता तुम्बाहाङ्फेको अभिनय छ । पूर्वको रमणीय तथा पर्यटकीयस्थल तीनजुरेमा रहेको सोल्माको दृश्यलाई कैद गरिएको भिडियोको छायाँकन र सम्पादन मेघराज मग्रातीले गरेका छन् ।

भिडियोको निर्देशन गीतका गायक तथा गीतकार खगेन्द्रले नै गरेका छन् ।