पछिल्लो २४ घण्टामा नेपालमा १,२१७ जनामा कोरोना संक्रमण पुष्टि

२५ मंसिर, काठमाडौं – पछिल्लो २४ घण्टामा नेपालमा १२१७ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७२३२ जनाको पीसीआर परीक्षण गर्दा ७७४ पुरुष र ४४३ महिला गरी कुल १२१७ जनामा संक्रमण पुष्टि भएको हो । योसँगै अव नेपालमा कोरोना संक्रमितको कुल संख्या २ लाख ४५ हजार ६५० पुगेको छ ।

त्यस्तै पछिल्लो २४ घण्टामा कोरोना भाइरस संक्रमणमुक्त हुनेको संख्या समेत १०६४ पुगेको छ । त्यस्तै हालसम्म निको हुनेको संख्या २ लाख ३१ हजार ६०१ पुगेको मन्त्रालयले जनाएको छ ।