पछिल्लो २४  घण्टामा  देशैभर १ हजार ५६ जनामा कोरोना संक्रमण पुष्टि

२४ मंसिर,काठमाडौं – पछिल्लो २४  घण्टामा  देशैभर १ हजार ५६ जनामा कोरोना संक्रमण पुष्टि भएको छ ।

पछिल्लो २४ घण्टामा देशैभर ६ हजार २८६ जनाको कोरोना परीक्षण हुँदा ३८६ महिला र ६७० पुरुषसहित १ हजार ५६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो अवधिमा मात्र १ हजार ४८३ जना संक्रमणमुक्त समेत भएका छन् । त्यस्तै आज १४ जनाको मृत्यु समेत भएको मन्त्रालयले जनाएको छ । योसंगै अव कोरोना संक्रमणवाट हालसम्म ज्यान गुमाउनेको संख्या १ हजार ६५१ पुगेको छ ।

स्वास्थ्य तथा जनसंख्या मन्त्रालयका अनुसार अव योसँगै देशभर कोरोना संक्रमितको कुल संख्या २ लाख ४४ हजार ४३३ पुगेको छ भने निको हुनेको संख्या २ लाख ३० हजार ५३७ पुगेको छ । यस्तै देशभर सक्रिय संक्रमितको संख्या १२ हजार २४५ जना रहेका छन् ।

त्यस्तै मन्त्रालयका अनुसार हालसम्म देशभर कोरोना निको हुने दर ९४.३ प्रतिशत रहेको छ भने अब सक्रिय संक्रमित ५.०१ प्रतिशत मात्रै रहेका छन् । यस्तै ०.८६ प्रतिशतको मृत्यु समेत भएको छ । त्यस्तै पछिल्लो २४ घण्टामा काठमाडौं उपत्यकामा मात्र ४९६ जनामा संक्रमण पुष्टि भएको छ ।