२८ दिनमा ओली र प्रचण्डबीच दोश्रोपटक भेटवार्ता : डेढ घण्टा कुराकानी 

काठमाडौं – नेपाल कम्युनिस्ट पार्टी नेकपाका दुई अध्यक्ष प्रधानमन्त्री केपी शर्मा ओली र पुष्पकमल दाहाल प्रचण्डबीच २८ दिनमा आज बुधबार दोश्रोपटक भेटवार्ता भएको छ ।

कार्यकारी अध्यक्ष प्रचण्ड आज बुधबार विहान ११ बजे प्रधानमन्त्री ओलीलाई भेट्न बालुवाटार पुगेका थिए । उनीहरुबीच करिब डेढ घण्टा कुराकानी भएको बालुवाटार स्रोतले जानकारी दिएको छ ।

पछिल्लो समय स्थायी कमिटीमा दुई छुट्टाछुट्टै प्रतिवेदन पेश गरेका नेकपाका अध्यक्षद्वयबीच सम्बन्ध बिग्रिएको छ । उनीहरुबीच २५ दिनपछि गत मंसिर २१ गते भेट भएको थियो । त्यसपछि २८ दिनमा आज बुधबार उनिहरुले पुनः भेटेका हुन् ।