नेपाल कम्युनिष्ट पार्टीका संस्थापक नेता माणिकलाल गौतमको निधन

२४ मंसिर,दाङ – नेपाल कम्युनिष्ट पार्टी (नेकपा) दाङका संस्थापक नेता माणिकलाल गौतमको निधन भएको छ ।

आज बुधवार बिहान ३ बजे नेता गौतमको निधन भएको उनको पारिवारिक श्रोतले जनाएको छ । स्वर्गिय गौतम वि.सं २००९ मा दाङमा कम्युनिष्ट पार्टीको स्थापनामा महत्वपूर्ण भूमिका खेलेका थिए । कम्युनिष्ट आन्दोलनको विकासमा निरन्तर लागिरहेका गौतमको ९३ वर्षको उमेरमा निधन भएको हो ।

उनी नेपाल कम्युनिष्ट पार्टी दाङका संस्थापक सदस्य तथा केन्द्रीय सल्लाहकार परिषद् सदस्य समेत थिए । उनको अन्तिम दाहासंस्कार आजै दाङको शङ्खेपिपलमा ११ बजे गरिने भएको छ ।