कोरोना संक्रमणबाट सप्तरीमा पुरुषको मृत्यु

२३ मंसिर,सप्तरी – कोरोना संक्रमणबाट सप्तरीमा एक पुरुषको मृत्यु भएको छ ।

सप्तरी जिल्लाको लक्ष्मीपुर-३ का ४२ वर्षीय पुरुषको गएराति करिव ११ बजे उपचारका क्रममा मृत्यु भएको बीपी कोइराला विज्ञान प्रतिष्ठानका सह-प्रवक्ता डा. चुरामणी पोखरेलले जानकारी दिए ।

त्यस्तै अस्पतालका अनुसार मृतक पहिलेदेखि नै दीर्घ रोगी थिए ।

अस्पतालले शवको नियमानुसार व्यवस्थापन हुने जानकारी दिएको छ ।