माईतीघरमा राजावादीको प्रदर्शन : ठूलो संख्यामा सुरक्षाकर्मीको परिचालन
शुभयुग संवाददाताप्रकाशित मिति: २०७७ मंसिर २०, शनिबार (३ साल अघि)
७०८ पाठक संख्या
२० मंसिर,काठमाडौं – आज (शनिवार) दिउँसो राजधानीको माईतीघरमा राजावादी भिभिन्न संघ संस्थाको भब्य प्रदर्शनको तयारी छ ।
माईतीघरमा दिउँसो हुने राजावादीको प्रदर्शनलाई मध्यनजर गर्दै बिहानैदेखी माइतीघरमा ठूलो संख्यामा सुरक्षाकर्मी समेत परिचालन गरिएको छ । मध्यान्ह माइतीघरमा राजावादीको बृहद् प्रदर्शनको तयारी गरेको राजावादी अभियन्ताहरुले जानकारी दिएका छन् ।
उता उक्तप्रदर्शनका क्रममा अप्रिय घटना नहोस् भनी सुरक्षा निकायले विशेष सतर्कता अपनाउँदै बाक्लो संख्यामा सुरक्षाकर्मी परिचालन गरेको बताएको छ । त्यस्तै प्रदर्शनका क्रममा राजावादीहरु विभिन्न नारा अंकित ब्यानर र प्लेकार्ड र राष्ट्रिय झण्डासहित माइतीघरतर्फ भेला हुने क्रम सुरु भएको छ ।
उता गत केही दिनअघि जिल्ला प्रशासन कार्यालय काठमाडौंले राजावादीको प्रदर्शनलाई मध्यजर गर्दै काठमाडौंमा प्रदर्शन, भेला तथा जुलुस नगर्न आग्रह गरेको थियो । यद्धपी जिल्ला प्रशासन कार्यालय काठमाडौंलाई नै चुनौती दिँदै राजावादीहरुले भने राष्ट्रिय झण्डासहित बृहद् प्रदर्शनको तयारी गरेका हुन् ।
