शुभयुग संवाददाताप्रकाशित मिति: २०७७ मंसिर १७, बुधबार (३ साल अघि)
९७३ पाठक संख्या
१७ मंसिर,पर्षा – पर्साको धोबिनी गाउँपालिकामा जन्ती गएका २६ वर्षीय एमामुल हुसैन मृत अवस्थामा फेला परेका छन् ।
पर्साको कालिकामाई गाउँपालिका-१ तीनडोबिया टोलका २६ वर्षीय एमामुल हुसैनको शव फेला परेको प्रहरीले जनाएको छ । हिजो मंगलबार बिहान साढे ८ बजे नहरमा हुसैनको शव देखेपछि स्थानीयले प्रहरीलाई खबर गरेका थिए । धोबिनी गाउँपालिका-२ भिखमपुरस्थित नहरमा हुसैनको शव फेला परेको इलाका प्रहरी कार्यालय पोखरीयाका प्रहरी निरीक्षक दीपक थापाले जानकारी दिए ।
तीन दिनअघि धोबिनी गाउँपालिका-१ भिखमपुर जन्ती जान भनी साथीसँगै निस्केका उनी बेहुलीको घरमा नपुगेको आफन्तहरुले बताएका छन् । उनी वेपत्ता भएपछि आफन्तले खोजी शुरु गरेका थिए । सँगै जन्ती जान निस्केका साथीहरुले नै उनको हत्या गरेको हुन सक्ने आशंका मृतकका आफन्तले गरेका छन् ।
प्रहरीले भने पोष्टमार्टम रिपोर्ट आएपछि मात्रै मृत्युको कारण खुल्ने जनाएको छ । ‘घोप्टो परेको अवस्थामा नहरमा शव भेटिएको छ, मृतकको दाहिने आँखा निकालिएको रहेछ’ उनले भने, ‘घटनास्थल जाँच मुचुल्कापछि शव पोष्टमार्टमका लागि वीरगञ्जस्थित नारायणी अस्पताल पठाएका छौं । घटनाबारे अनुसन्धान भइरहेको छ ।’
पोष्टमार्टम रिपोर्ट आएपछि मात्रै मृत्युको कारण खुल्ने उनले बताए ।
