शुभयुग संवाददाताप्रकाशित मिति: २०७७ मंसिर ९, मंगलबार (३ साल अघि)
५१८ पाठक संख्या
९ मंसिर, बैतडी – बैतडीमा जीप दुर्घटना हुँदा ४ जनाको मृत्यु भएको छ ।
देहीमाडौँबाट नागार्जुन तर्फ जाँदै गरेको ग १ ज ४९२१ नं को जीप आज बिहान ११ः३० बजेतिर दशरथ चन्द नगरपालिका-११ नानीगाड भन्ने स्थानमा दुर्घटना हुँदा अन्य ४ जना समेत घाइते भएका छन् ।
मृत्यु हुनेमा दशरथचन्द नगरपालिका ७ का पार्वती चन्द, अर्की पार्वती चन्द, भगीरथ पाण्डे, कृष्ण लावड र कलावती चन्द रहेको प्रहरीले जनाएको छ ।
उनिहरुको घटनास्थलमै मृत्यु भएको प्रहरीले जनाएको छ ।
त्यस्तै दुर्घटनामा परी दशरथचन्द नगरपालिका-१० का अन्दाजी ४० वर्षका प्रकाश भट्ट, कञ्चनपुरको महेन्द्रनगर बस्ने अन्दाजी २६ वर्षीय राहुल भट्ट र जीप चालक दशरथचन्द नगरपालिका-१० का नवीन भट्ट घाइते भएका छन् ।
