८ मंसिर,काठमाडौं – प्रधानमन्त्री केपी शर्मा ओली ताप्लेजुङको घुन्सा पुगेका छन् ।
घुन्सा फाउन्डेसनले निर्माण गरेको स्वास्थ्य चौकी भवन उद्घाटन गर्न आज सोमबार प्रधानमन्त्री ओली हिमाली गाउँ घुन्सा पुगेका हुन् ।
हिमाली गाउँ घुन्सा पुगेसंगै प्रधानमन्त्री ओलीलाई घुन्सावासीले स्वागत समेत गरेका छन् ।
प्रधानमन्त्री ओलीसँगै प्रदेश-१ का मुख्यमन्त्री शेरधन राई, पर्यटनमन्त्री योगेश भट्टराई, नेकपा संसदीय दलका नेता सुवास नेम्वाङ सहितका नेतापनि हिमाली गाउँ घुन्सा पुगेका छन् ।
घुन्सापछि प्रधानमन्त्री ओलीको टोली इलाम पुग्ने कार्यक्रम रहेको छ ।
ओलीले इलामको सन्दकपुरमा निर्मित सशस्त्र प्रहरीको बीओपी निरीक्षण गर्ने कार्यक्रम रहेको समेत जनाइएको छ ।
