रानीपोखरी मन्दिर आज पनि खुल्ला : नेवार समुदायले आज पनि भाइटीका लगाउने

२ मंसिर,काठमाडौं – नेवार समुदायका केही समूहले आज पनि भाइटीका लगाउँदैछन् ।

यस वर्ष मंगलबार बिहान पनि केही समय द्वितीया तिथि रहेकाले भाइटीका लगाउन लागिएको हो । केही नेवार समुदायले भने हिजो टिका लगाएका थिए । आज टिका लगाउने नेवार समुदायले हिजो महः पुजा गरेका थिए ।

नेवार समुदायको भाइटीका किजापूजा का लागि सरकारले आज पनि देशभर सार्वजनिक बिदा दिएको छ ।

भाइटीकालाई लक्षित गरी रानीपोखरीको बीच भागमा अवस्थित बालगोपालेश्वर मन्दिर मंगलबार पनि बिहान ५ बजेदेखि नै खुल्ला गरिएको छ ।

दिदीबहिनी नहुनेहरुले बालगोपालेश्वर मन्दिरमा पूजा गरी टीका लगाउने चलन छ । त्यसैले बालगोपालेश्वर मन्दिर भाइटीकाको दिनमा मात्र खोल्ने गरिन्छ ।