अनौठो प्रेम : जहाँ आफ्नै श्रीमतीले गराइदिइन् प्रेमिकासँँग श्रीमानको विवाह

एजेन्सी – तपाईंले धेरै चोटि पति/पत्नी र उनको बिचमा प्रेमी / प्रेमिकाका कथाहरू देख्नु र सुन्नु भएको होला ।

धेरै सिनेमाहरुमा घरमा श्रीमती र श्रीमान् हुँदा हुँदै पनि अन्यसँँग प्रेममा परेको पनि देख्नु भएकै होला । तर भारतको मध्य प्रदेशमा यस्तै एक अनौठो घटना घटेको छ ।

त्यहाँ एक महिलाले आफ्नो पतिलाई उसकी प्रेमिकासँग विवाह गराइदिएकी छिन् । यो आश्चर्यजनक घटना मध्य प्रदेशको राजधानी भोपालको हो । जहाँ विवाह भएको तीन वर्ष पछी श्रीमतीले आफ्नो श्रीमान्‌लाई उनकै प्रेमिकासँग विवाह गराएकी छिन् ।

भारतिय मिडियाका अनुसार उनको पतिको उक्त महिलासँँग केवल एक बर्षदेखि प्रेम सम्बन्धमा थिए। परिवार अदालतका वकिल रजनी रजनीका जानकारी अनुसार आफ्नो श्रीमतीसँँग भन्दा प्रेमिकासँग भावनात्मक लगाव राख्ने भएको र विवाह नगरेको खण्डमा प्रेमिकाले आत्महत्या गर्न खोजेकी कारण पनि विवाह गराइएको उल्लेख गरिन् ।

अदालतका भनाइमा पुरुष भने आफ्नो श्रीमती र प्रेमिका मध्ये एकलाई छाड्न नसक्ने भएकोले उनकी श्रीमतीले प्रेमिकासँँग पनि विवाह गराएकी थिइन् ।