सरकारको अर्को निर्णय ‘होम आइसोलेसेनमा बसेकालाई परामर्श दिने जिम्मा ल्याबलाई’

१९ कार्तिक,काठमाडौं – सरकारले होम आइसोलेसेनमा बसेका संक्रमितहरुलाई परामर्श दिने जिम्मा ल्याबलाई दिएको छ ।

स्वास्थ्य मन्त्रालयले कोरोना परीक्षण गर्ने प्रयोगशालाहरुले टेलि काउन्सिलिङ (टेलिफोनमार्फत परामर्श) दिनुपर्ने निर्णय गरेको मन्त्रालयका प्रवक्ता डा.जागेश्वर गौतमले बताए ।

ल्याब सञ्चालन गर्ने अस्पताल वा मेडिकल कलेजले आफैं र अरुले सरकारी वा निजी अस्पतालसँग समन्वय गरी परामर्श दिने व्यवस्था  गर्नुपर्ने स्वास्थ्य तथा जनसंख्या मन्त्रालयले निर्णय गरेको हो ।

हाल ३० हजारभन्दा बढी कोरोना संक्रमित होम आइसोलेसनमा रहेको मन्त्रालयको तथ्यांकमा उल्लेख छ ।