कोरोना संक्रमणबाट आज २४ को मृत्यु : हालसम्म मृतकको संख्या कति पुग्यो ?
शुभयुग संवाददाताप्रकाशित मिति: २०७७ कार्तिक १७, सोमबार (४ साल अघि)
६१९ पाठक संख्या
१७ कार्तिक,काठमाडौं – कोरोना भाइरस संक्रमणबाट पछिल्लो २४ घन्टामा आज २४ जनाको मृत्यु भएको छ ।
स्वास्थ्य तथा जनसंख्या मन्त्रालयको तथ्यांक अनुसार बितेको २४ घण्टामा देशैभर गरी २४ जनाको मृत्यु भएको हो । योसंगै देशभर कोरोना संक्रमणबाट ज्यान गुमाउनेको कुल संख्या ९ सय ८४ पुगेको छ ।
त्यस्तै देशैभर पछिल्लो २४ घन्टामा २ हजार ९ सय ३३ जनामा कोरोना संक्रमण भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घन्टामा थपिएका २ हजार ९ सय ३३ जनासहित देशभर संक्रमितको संख्या १ लाख ७६ हजार ५ सय पुगेको छ । त्यस्तै कुल संक्रमितमध्ये १ लाख ३७ हजार ९ सय ९२ जना भने कोरोना मुक्त समेत भएका छन् ।
