धादिङमा २० केजी चरेस सहित एकजना पक्राउ

२१ असोज,धादिङ – धादिङमा २० केजी ८ सय ग्राम चरेश सहित एक जना पक्राउ परेका छन् ।

बुधबार गजुरी गाउँपालिका वडा नं ६ आदमघाटबाट २० किलो ८ सय ग्राम चरेश सहित धादिङको खनियावास गाउँपालिका वडा नम्बर २ का ३७ वर्षिय रेशम बहादुर तामाङलाई पक्राउ गरेको इलाका प्रहरी कार्यालय गजुरीका डिएसपी बिश्वराज खड्काले जानकारी दिए ।

डिएसपी खड्काका अनुसार तामाङलाई अवैध लागु औषधको कारोबार हुने गरेको भन्ने विशेष सूचनाको आधारमा इलाका प्रहरी कार्यालय गजुरीबाट खटिएको प्रहरी टोलीले पक्राउ गरेको हो ।

तामाङको साथबाट २० केजी ८ सय ग्राम चरेश सहित १ थान मोबाईल र नगद ८ हजार समेत प्रहरीले बरामद गरेको छ । अहिले तामाङलाई जिल्ला अदालत धादिङबाट म्याद गरी थप अनुसन्धान भईरहेकोे छ ।