आज,अहिलेसम्मकै सबैभन्दा धेरैमा कोरोना संक्रमण : थपिए १,५३९ जना

३१ भदौ,काठमाडौं – आज बुधवार, देशभर १हजार५सय३९ जना नयाँ कोरोना संक्रमित थपिएका छन् ।

बितेको २४ घण्टामा नयाँ संक्रमित थपिएको यो तथ्यांक हालसम्मकै उच्च हो । यससँगै देशभर कोरोना संक्रमितको संख्या ५८ हजार३सय२७ पुगेको छ ।

बुधबार, स्वास्थ्य मन्त्रालयको नियमित प्रेस ब्रिफिङमा बोल्दै मन्त्रालयका प्रवक्ता डा.जागेश्वर गौतमले बितेको २४ घण्टामा १ हजार ६८ जना संक्रमित निको भएको समेत जानकारी दिए ।

उनका अनुसार हालसम्म संक्रमितमध्ये निको हुनेको कुल संख्या ४१हजार७सय६ पुगेको छ । यस्तै आज देशभर सक्रिय संक्रमितको संख्या १६ हजार २सय४२ रहेको छ । जसमा संस्थागत आइसोलेशनमा ८ हजार ५सय४१ र होम आइसोलेशनमा ७ हजार ७सय१ जना रहेका छन् । आज १०,४सय९४ जनाको पीसीआर परीक्षण भएको पनि गौतमले बताए ।

यद्धपी आज कोरोना संक्रमणका कारण ८ जनाको मृत्यु भएसंगै कोरोनाबाट मृत्यु हुनेको जम्मा संख्या ३सय७९ पुगेको छ ।