वडा अध्यक्षकै घरवाट सरकारी मोटरसाईकल चोरी

सुनवल – पश्चिम नवलपरासीको सुनवल नगरपालिका वडा–९ का अध्यक्ष कन्हैया थारुको मोटरसाइकल चोरी भएको छ ।

गएराती वडा अध्यक्ष थारुको  घरबाट उनी चढ्ने सेतो नम्बर प्लेटको लु १ ब १९२९ नम्बरको होण्डा साईन सरकारी मोटरसाइकल चोरी भएको होे।  कार्यालय प्रयोजनको लागि नगरपालिकाले  दिएको उक्त मोटरसाइकल राति घरको कम्पाउण्डमा राखिएको अवस्थामा चोरी भएको अध्यक्ष थारुले जानकारी दिए ।
नगरपालिकाले सबै वडा अध्यक्षहरुलाई कार्यालय प्रयोजनको लागि सेता प्लेटको मोटरसाइकल उपलब्ध गराएको छ । सरकारी मोटरसाइकल आफ्नै घरवाट चोरी भएपछि खोजी कार्य भैरहेको वडा अध्यक्ष थारुले जानकारी दिए । ‘‘घरको कम्पाउण्डमा कार, व्यक्तिगत मोटरसाइकल भएपनि चोरले सरकारी मोटरसाइकल नै चोरेर लगेको अध्यक्ष थारुले बताय ।