देवीदत्त गण गजुरीको आयोजनामा १ दिने स्वास्थ्य शिविर सम्पन्न

१७ फागुन, धादिङ – देवीदत्त गण गजुरीको आयोजनामा १ दिने निशुल्क स्वास्थ्य शिविर सम्पन्न भएको छ ।

शनिवार, देवीदत्त गण गजुरीले धादिङको गजुरी गाँउपालिका वडा नं. १ स्थित् पत्तालिनी आधारभुत बिद्यालयमा गाँउपालिकाका १ देखी ५ नं. वडासम्मका जेष्ठ नागरिक, बालवालिका तथा बिपन्न समुदायलाई लक्षित गरी स्वास्थ्य शिविर आयोजना गरिएको थियो ।

स्वास्थ्य शिविरमा ७३ जना पुरुष, १२१ जना महिला तथा ९७ जना बालबालिका समेत गरी २९१ जनाको स्वास्थ्य परिक्षण गरियको देविदत्त गणका सेनानी रुपेश चापागाइले बताउनुभयो ।

सेनानी चापागाइका अनुसार स्वास्थ्य शिविरमा परिक्षणका लागी आएका अधिकांश महिलामा पाठेघरको समस्या देखिएको थियो भने अन्य बिरामीमा आँखा तथा छालाको समस्या भएको पाईएको छ ।