धादिङबाट यसरी चितवन पुग्यो १००ट्रिपर बालुवा:भिडियो सहित

धादिङ – गौतमबुद्ध क्रिकेट रंगशालाका लागि धादिङको गल्छी गाँउपालिकाले १०० ट्रिपर बालुवा सहयोग गरेको छ ।

धुर्मुस सुन्तली फाउण्डेसनले चितवनमा बनाउन लागेको गौतमबुद्ध क्रिकेट रंगशाला राष्ट्रिय गौरवको आयोजना भएकोले १०० ट्रिपर बालुवा सहयोग गरेको हो ।

यस अघि १०० ट्रिपर बालुवा सहयोग गर्ने प्रतिबद्धता जनायको गल्छी गाँउपालिकाले शनिबार बिहान धादिङबाट बालुवा लगेको हो।

बालुवा लगेको गल्छी गाँउपालिका टोलीले रंगशाला निमार्ण स्थल पुगेर धुर्मुस सुन्तली फाउण्डेसनलाई बालुवा हस्तान्तरण गरेका हुन् ।

 रंगशाला निमार्णको लागि गाँउपालिकामा उत्खनित बालुवा सहयोग गरेको अध्यक्ष कृष्णहरि श्रेष्ठले बताए । बालुवा पुर्‍याउनका लागि जनप्रतिनिधि, टिपर व्यवसायी सहितको टोली चितवन पुगेका थिए ।

गाँउपालिकाले सहयोग गरेको बालुवा नेपाल टिपर तथा ढुवानी व्यवसायी समितिले निुशल्क ढुवानी गरेको छ । त्यस्तै सुदिपा ट्रेडिङ कम्पनी प्रालिले कर छुटको व्यवस्था गरेको छ ।

शनिबार धादिङ बाट अभियानकै रुपमा लस्कर लगाएर बालुवा लैजाने टोलीलाई बिभिन्न स्थानमा स्थानिय तह तथा स्थानिय बासीहरुले गाउपालिकाको सहयोगलाई प्रशंसा गर्दै स्वागत गरेका थिए ।

धुर्मुस सुन्तली फाउण्डेसनले भरतपुर महानगरपालिकाको वडा नम्बर १५ मा अन्तर्रािष्ट्रय क्रिकेट रंगशाला निमार्ण गरिरहेको छ । सबैको सहयोग र समन्वयबाट निमार्णले गति लिएको फाउण्डेशनका अध्यक्ष सिताराम कट्टेलले बताए ।

भिडियो : 

https://youtu.be/Z0XISXJOnVc?t=2

https://youtu.be/rPntWhUrkmQ?t=2