न्युज डेस्कप्रकाशित मिति: २०७६ मंसिर १२, बिहिबार (४ साल अघि)
१३० पाठक संख्या
धादिङ :
चोरी मुद्दाका फरार प्रतिवादीलाई प्रहरीले १० वर्ष पछी पक्राउ गरेको छ ।
जिल्ला प्रहरी कार्यालय धादिङको फरार प्रतिवादी पक्राउ अभियान अन्तर्गत चोरी मुद्दाका फरार प्रतिवादीलाई १० वर्ष पछी पक्राउ गरिएको हो ।
पक्राउ पर्नेमा सिन्धुपाल्चोक जिल्ला कुन्चोक गाउँपालिका वडा नं. ९ घर भई हाल धादिङ जिल्ला गजुरी गाउँपालिका वडा नं.६ आदमघाट बस्ने वर्ष ३७ को रामजी बाँनिया रहेको जिल्ला प्रहरी कार्यलय धादिङका प्रहरी नायव उपरिक्षक रुपक खड्काले जानकारी दिनु भयो ।
बाँनियालाई धादिङ जिल्ला अदालतबाट मिति २०६६ साल मंसिर २ गतेको फैसलाले ५ वर्ष ५ महिना १० दिन कैद भनि सजाए तोकेको थियो । बाँनियालाई आजनै धादिङ जिल्ला अदालतमा पेश गरी कैद भुक्तानको लागि कारागार कार्यालय धादिङ चलान गरिएको खड्काले जानकारी दिनु भयो ।
