पौष भित्र आठौ राष्ट्रपति रनिङ शिल्ड प्रतियोगिता गर्न सबै पालिकालाई पत्रचार
प्रकाशित मिति: २०७६ मंसिर १२, बिहिबार (४ साल अघि)
८५७ पाठक संख्या
धादिङ :
जिल्ला खेलकुद विकास समिति धादिङले पौष मसान्त भित्र आठौ राष्ट्रपति रनिङ शिल्ड प्रतियोगिता गर्न धादिङका सबै पालिकालाई पत्रचार गरेको छ ।
माध्यामिक विद्यालय स्तरीय हुने उक्त प्रतियोगिता गर्न जिल्ला खेलकुद विकास समिति धादिङ कार्तिक २८ गते नै पत्राचार गरेको भए पनि कुनै पनि पालिकाले खेल तालिका सार्वजनिक भने गरेका छैनन् ।
पालिकाबाट छनौट भएर आएका खेलाडीहरु बीच जिल्ला स्तरीय प्रतियोगितामा सहभागि हुन पाउने र जिल्लाबाट छनौट भएका खेलाडी विद्याथीरुले प्रदेश हुँदै केन्द्रिय प्रतियोगितामा भाग लिन पाउने जिल्ला खेलकुद विकास समिति धादिङका कार्यालय प्रमुख कृष्णलाल श्रेष्ठले बताए ।
