नयाँ नेपाल सम्वत् भव्य रुपमा मनाईयो

धनकुटा । नेपाल सम्वत् ११३९ को अवसरमा देशभरका नेवार समुदाय रहेको वस्तीहरुमा विविध कार्यक्रमसहित भव्यताका साथ मनाईएको छ । सो अवसरमा धनकुटामा ३ जनाको अभिनन्दन गर्दै मनाएको छ ।
धनकुटामा प्रत्येक वर्ष ५ वटा टोलहरु आलोपालो प्रणालीअनुसार मनाईन्छ । यस पटकको कार्यक्रमको आयोजना माथिल्लो कोप्चे टोलवस्ती संगठनको आयोजनामा मनाईएको छ ।
नेवाः पुचः को कार्यालय श्रीवानीमा भेला भएर कार्यक्रम शुरुवात गरिएको थियो । कार्यक्रमको उद्घाटन प्रमुख अतिथि नगर प्रमुख चिन्तन तामाङले रिवन काटेर गरेका थिए । यस्तै प्रमुख अतिथि नगर प्रमुख तामाङले नेपाल सम्वत्का प्रवर्तक शंखधर साख्वाको शालिकमा माल्यार्पण गरेका थिए ।
सो अवसरमा नगर प्रमुख तामाङले नेपाल विभिन्न जातजातिको कला संस्कृतिले भरिपूर्ण रहेको बताए । उनले संयुक्त राष्ट्र संघमा सदस्यता प्राप्त गर्न नेपाल भाषाको रञ्जना लिपीलाई राष्ट्रिय लिपीमा दस्तावेज गरी सदस्यता लिएको जानकारी दिदै नेवार समुदाय देशको सम्पन्न र कला संस्कृतिमा धनि रहेको बताए ।
श्रीवानीमा थकाली (ज्येष्ठ नागरिक) बाट टिका लगाई सगुन प्रसाद ग्रहण पछि नेवारी भेषभुषा, झाँकी र वाजागाजासहित ¥याली शुरु भएको थियो । ¥याली हुलाकटोल, वीचबजार, सिरानबजार, माथिल्लोकोप्चे, तल्लाकोप्चे हुदै विहीवारे हटियामा पुगि औपचारिक कार्यक्रममा परिणत भएको थियो ।
नेवाः देः दवुका जिल्ला अध्यक्ष श्रीकृष्ण प्रधानको अध्यक्षतामा सम्पन्न भएको कार्यक्रममा माथिल्लोकोप्चेका थकाली ज्येष्ठ नागरिकद्वय केदारभगत श्रेष्ठ र मथुरा अमात्यलाइ अभिनन्दन गरिएको थियो । यस्तै सो अवसरमा माथिल्लो कोप्चे स्थायी घर भई हाल नेपाल प्रहरीको गरिमामयी डिआईजी पदमा पुग्न सफल भएको भन्दै दिनेश अमात्यलाई अभिनन्दन गरिएको थियो ।
सो अवसरमा अभिनन्दित अमात्यले संस्थालाई आभार प्रकट गर्दै आफु धनकुटाको विकासमा जहिले पनि क्रियाशील रहने बताए । उनले आफु पदबाट रिटायर भएपछि धनकुटामै बसोवास गर्ने र विकासमा तपाईहरुसँग काँधमा काँध मिलाएर अघि बढ्ने प्रतिवद्धता व्यक्त गरे ।
सो अवसरमा संस्थाका केन्द्रिय उपाध्यक्ष तथा समापन कार्यक्रमका प्रमुख अतिथि नवीनकिशोर शाक्य, आदिवासी जनजाति महासंघका अध्यक्ष सञ्जय सन्तोषी राई, धनकुटा अस्पतालका डा. रेणु भुजुले मन्तव्य राखेका थिए ।
कार्यक्रमको समापन पछि सांस्कृतिक कार्यक्रम प्रस्तुत गरिएको थियो । उत्सवका लागि बजारका घरहरुको पेटीमा सयपत्री फूल सहितको घडाले सजाएका थिए ।
यो सम्वत् व्यापारी तथा समाजसेवी शंखधर साख्वाले त्यस समयका सरकार, साहु÷माहजनबाट लिईएको आमजनताको ऋणमुक्त गराएको सम्झनामा शुरु भएको मानिन्छ ।
अघिल्लो दिन मुचुङ्गा होटलमा स्थानीय थकालीबाट टिका लगाई मोटरसाईकल ¥याली गरिएको थियो । मोटरसाईकल ¥याली कर्मिटार, तल्लोकोप्चे, हुलाकटोल, श्रीवानी, नाशलचोक हुदै कागतेसम्म पुगेको थियो । यस्तै देव्रेवास, दानावारी, माथिल्लोकोप्चे हुदै विहीवारे हटीयामा समापन गरिएको थियो ।